ang aking pagbabago

hindi talaga natin maiiwasan na darating tayo sa punto na titigil sa mga ginagawa natin. siguro, nangangahugan ito sa pagkapagod natin o kaya naman sa pagkakaroon ng bagong bagay na gustong pagtuunan ng pansin. dati siguro ganoon akong klaseng tao, yung tipong kapag ayoko na, ayoko na talaga kasi madali akong magsawa dati sa mga bagay na ginagawa ko kaya nga noong minsan dinescribe ko yung sarili ko na ang dami kong kayang gawin ngunit hindi naman ako bihasa sa mga bagay-bagay na ginagawa ko.

ngayon, masasabi ko siguro na may pinagbago ako. ako na kasi yung tipo na tao na kapag ginawa ko, tatapusin ko dahil alam ko sa sarili kong kaya ko. naging sobrang positive rin ako na tao dahil sa mga nangyari sa buhay ko. siguro ganoon talaga, habang tumatanda ka mas lumalalim ka at mas nakikilala ang sarili mo, mas nalalaman mo kung hanggang saan ka lang at kung ano talaga ang gusto mo.

siguro sa ngayon, mas nakikita ko ang sarili ko sa isang tamang destinasyon dahil mas inaaccept ko na yung mali ko, mas tianatanggap ko na ito ng buong buo. sabi nga nila, "IF YOU CAN'T ACCEPT IT, CHANGE IT BUT IF YOU CAN'T CHANGE IT, ACCEPT IT." hindi ko naman sinasabi na tama itong line na to kaso kapag tinanggap mo kasi yung mali mo ng buong buo mas yayabong ka bilang tao. pero kung tutuusin kasi, mas tama rin yung magkamali tayo kahit pinagsasabihan na tayo sa pwedeng mangyari. kapag nagkaroon kasi ng expereince mas nagkakaroon ng impact sayo.